Um gávukortið
Gávukortið kann nýtast sum vanligt gjaldskort í øllum Smyril Line samtakinum:
• Smyril Line
• Umborð á Norrönu
• Hotel Hafnia
• Hotel Brandan
• Húsagarður
• Kafé Kaspar
• Katrinu Christiansen
Støkk inn á gólvið hjá okkum og fá kortið við tær heim.
Opið er gerandisdagar kl. 08.00 til kl. 16.00. Ynskir tú fleiri gávukort, skriva til okkum á booking@smyrilline.fo.
Gávukortið hevur gildið í 3 ár. Burturmist kort verða ikki endurgoldin.
Viðskiftatreytir í sambandi við keyp av gávukortinum (elektroniskt gávukort)
Vit heita á teg um at lesa hesar viðskiftatreytir, áðrenn tú keypir gávukortið.
Hvussu brúkar tú kortið
Gávukortið kann nýtast sum vanligt gjaldskort. Tú rindar við at draga magnetstrípuna gjøgnum terminalin.
Gávukortið kann brúkast á sama hátt sum reiður peningur, men hevur eisini sama váða fyri teg.
Gávukortið kann nýtast í øllum Smyril Line samtakinum – sí omanfyri.
Minsta upphæddin á gávukortinum er kr. 100,- og mesta upphæddin er kr. 20.000,-
Gávukortið verður útbjóðað av
P/F Smyril Line
Yviri við Strond 1
P.O. Box 370
FO-110 Tórshavn
Tlf.: (+298) 34 59 00
booking@smyrilline.fo
www.smyrilline.fo
V-tal: 332828
Keyp av gávukortinum
Tað er bert møguligt at keypa gávukortið við diskin á søludeildini hjá Smyril Line, Yviri við Strond 1, 100 Tórshavn. Til ber at keypa gávukortið við vanligum gjaldskortum umframt við reiðum peningi. Keypið er bindandi, tá tað er gjøgnumført og peningurin komin á gávukortið. Tað rúmast í mesta lagi kr. 20.000 á hvørjum korti.
Sí upplýsingar um iðranarrætt niðanfyri.
Prísir og meirvirðisgjald
Allir prísir eru í donskum krónum og eru íroknað meirvirðisgjald.
Gildistíðarskeið
Gávukortið er galdandi í 3 ár frá útgávudegnum.
Ánari av elektroniskum pengum kann innan gildistíðarskeiðið er farið og upp til 1 ár eftir hetta biðja um at restupphæddin verður innloyst til áljóðandi virði við at seta seg í samband við útbjóðaran, sbrt. kontantupplýsingunum.
Eitt ómaksgjald áljóðandi kr. 100 fyri hvørt kort verður tikið um restupphæddin verður innloyst innan gildistíðarskeiðið er farið.
Klagurættur (reklamatión)
Sambært føroysku keypilógini §§ 81 ff. hevur tú undir ávísum umstøðum upp til 2 ára klagurætt. Klagurætturin er galdandi frá tí degnum, tú fremur títt keyp og rindar pening inn á gávukortið.
Dátuverndarpolitikkur
Dátutrygd tín er týdningarmikil fyri okkum. Vit fara við persónligu upplýsingum tínum í trúnaði og í samsvari við viðkomandi lógir um verju av dátuverju, og undir hesum persónsdátulógin.
Meira er at lesa um hetta í dátuviðgerðarpolitikki okkara.
Virkjan av gávukortinum
Gávukortið er virkið og klárt at nýta, tá peningurin er goldin inn á kortið.
Nýtsla av gávukortinum
Gávukortið er tað sama sum reiður peningur, og tú brúkar kortið ístaðin fyri reiðan pening í teimum luttakandi handilsstøðunum.
Gávukortið kann brúkast á sama hátt sum eitt vanligt gjaldskort, men er ikki persónligt. Gávukortið er tískil ikki eitt persónligt handahavaprógv.
Gávukortið kann ikki steingjast um tú t.d. missir tað burtur ella tað verður stjolið. Burturmist kort verða ikki endurgoldin. Kortið kann ikki býtast til reiðan pening, um tað verður burturmist.
Tú góðtekur tí at bera váðan fyri misnýtslu av gávukortinum og harvið váðan fyri tí tapi, tú kanst vera fyri, um kortið verður brúkt av einum øðrum uttan títt loyvi. Tað sama er galdandi fyri móttakaran, um tú hevur givið øðrum gávukortið ella selt tað.
Hevur tú trupulleikar við gávukortinum, ella vilt tú at klaga um eitthvørt, heita vit á teg um at venda tær til:
P/F Smyril Line
Yviri við Strond 1
P.O. Box 370
FO-110 Tórshavn
Tlf.: (+298) 34 59 00
booking@smyrilline.fo
www.smyrilline.fo
Tú hevur eisini í ávísum førum rætt til at kæra til Brúkaraumboðið. Sí nærri á www.bruk.fo.
Vilt tú at klaga yvir eina vøru ella tænastu, sum er rinda við gávukortinum, skalt tú venda tær beinleiðis til viðkomandi stað, har tú keypti vøruna ella tænastuna.
Hvør er handan gávukortið
Tað er P/F Smyril Line sum er handan útgávuna av gávukortinum.
Lógarval og varnarting
Eitt og hvørt keyp er undirlagt føroyskum rætti. Ein og hvør træta um gávukortið, sum fevnir um útbjóðaran av kortinum, P/F Smyril Line, skal leggjast fyri Føroya rætti.
Gildiskoma
Hesar viðskiftatreytir komu í gildið 1. mai 2026.
Spurningar og ivamál
Eru ivamál ber til at seta teg í samband við okkum á:
P/F Smyril Line
Yviri við Strond 1
P.O. Box 370
FO-110 Tórshavn
Tlf.: (+298) 34 59 00
booking@smyrilline.fo
www.smyrilline.fo